<div align="left"><p dir="ltr"><b>கடந்த ஒரு வாரமாக அமல்படுத்தப்பட்ட முழு ஊரடங்கு காரணமாக கோவிட் தொற்று ஓரளவு குறைந்துள்ளதாகவும், கொரோனா அதிகம் பாதித்த கோவைக்கு வரவிருப்பபதால் தொண்டர்கள் , நிர்வாகிகள் யாரும் எனக்கு வரவேற்பு அளிக்க வர வேண்டாம் என முதல்வர் ஸ்டாலின் தெரிவித்து உள்</b><u><b>ளார்</b>.</u><br></p> </div><div align="left"><p dir="ltr">இது தொடர்பாக ஸ்டாலின் வெளியிட்ட அறிக்கையில் கூறியுள்ளதாவது: </p> <p dir="ltr">தமிழகத்தில் கடந்த ஒரு வாரமாக அமல்படுத்தப்பட்ட ஊரடங்கு காரணமாக கோவிட் தொற்று, ஓரளவு குறைந்து வருகிறது. மேலும் குறைய வேண்டும் என்பதற்காக, ஊரடங்கு நீட்டிக்கப்பட்டு உள்ளது. பொது மக்களின் முழுமையான ஒத்துழைப்பு இன்று தொற்று பரவல் சங்கிலியை உடைக்க முடியாது.</p><p dir="ltr">ஊரடங்கில், மக்களுக்கு ஏற்படும் இடர்பாடுகளை கருத்தில் கொண்டு, 13 பொருட்கள் அடங்கிய மளிகை பொருட்கள் தொகுப்பு, அனைத்து ரேசன் அட்டைதாரர்களுக்கும் வழங்கப்பட உள்ளது.மக்கள் தேவையின்றி வெளியே வருவதை தடுக்க அரசு முனைப்புடன் செயலாற்றி வருகிறது.</p> <p dir="ltr">கோவை மற்றும் அதனை ஒட்டிய மாவட்டங்களில் தொற்று அதிகரித்து வருவதை அரசு கவலையுடன் கவனத்தில் கொண்டுள்ளது. அங்கு தடுப்பு பணிகளை விரைவுபடுத்த வேண்டும் என்பதற்காகவே நாளை கோவை செல்ல உள்ளேன். </p><p dir="ltr">இது முழுக்க அரசு முறை பயணம். எனவே, திமுக நிர்வாகிகள் எனக்கு வரவேற்பு கொடுக்கவோ அல்லது சந்திக்கவோ முயற்சி செய்ய வேண்டாம். மக்களின் பசி போக்கிடும் பணியில் தொடர்ந்து ஈடுபட வேண்டும் என அன்புடன் வேண்டுகிறேன். இவ்வாறு அவர் கூறியுள்ளார்.</p></div>