<p><b>ஒட்டபிடாரம் ஊராட்சி ஒன்றியத்திற்குட்பட்ட நாரைக்கிணறு கிராமத்தில் சூறாவளி காற்று, மழையின் காரணமாக மின் பாதையில் மரங்கள் முறிந்து விழுந்து மின் கம்பங்கள் சேதமடைந்தை சண்முகையா எம்எல்ஏ நேரில் பார்வையிட்டார்.</b></p><p><br></p><p>தூத்துக்குடி மாவட்டம், ஒட்டபிடாரம் ஊராட்சி ஒன்றியத்திற்குட்பட்ட நாரைக்கிணறு கிராமத்தில் நேற்று (15.05.2015) மாலை வீசிய பலத்த சூறாவளி காற்று, மழையின் காரணமாக மின் பாதையில் மரங்கள் முறிந்து விழுந்து மின் கம்பங்கள் சேதமடைந்தன.</p><p><br></p><p>இதனையடுத்து, தகவலறிந்து உடனடியாக இரவு நேரம் என்றும் பாராமல், நாளை காலை போய் பார்ப்போம் என்று கடந்து போகாமல் உடனடியாக&nbsp; ஒட்டப்பிடாரம் சட்டமன்ற உறுப்பினர் எம்.சி.சண்முகையா நாரைக்கிணறு கிராமத்திற்கு நேரில் சென்று சரிந்து கிடக்கும் மரங்கள் மற்றும் மின் கம்பங்களை பார்வையிட்டார்.</p><p><br></p><p>தொடர்ந்து, பொக்லைன் இயந்திரத்தின் உதவியுடன் முறிந்து விழுந்த மரங்களை அப்புறப்படுத்தும் பணிகளையும் துரிதப்படுத்தினார். அதே இடத்தில் புதிய மின் மாற்றிகள் அமைக்கும் பணியினை சட்டமன்ற உறுப்பினர் எம்.சி.சண்முகையா பார்வையிட்டு பணிகளை விரைந்து முடிக்குமாறு அதிகாரிகளுக்கு அறிவுறுத்தினார்கள்.&nbsp;</p><p><br></p><p>மேலும், கிராம பொதுமக்களிடம் சேதங்கள் குறித்து விவரங்களை கேட்டறிந்து தங்களுக்கு தேவையானதை விரைந்து செய்து தருகிறேன் எனவும் எம்எல்ஏ தெரிவித்தார்.</p><p><img src="https://www.vilasalnews.com/img/post/postimage/2025/05/16/11747360965.jpg" style="width: 100%;"><br></p><p>அப்போது, மின்வாரிய செயற்பொறியாளர் சுடலைமுத்து, உதவி பொறியாளர்கள், ராஜேஷ், பால்முனியசாமி, திமுக கிளை செயலாளர்கள்&nbsp; மனோகரன், வினோத் மற்றும் ஊர் பொதுமக்கள் உள்ளிட்டோர் உடனிருந்தனர்.</p>