<p><b>தூத்துக்குடி மாவட்டத்தின் புதிய&nbsp; ஆட்சியராக செந்தில் ராஜ் பொறுப்பேற்றார்.</b><br></p><p>தூத்துக்குடி மாவட்ட ஆட்சியர் சந்தீப் நந்தூரி, திருவண்ணாமலை ஆட்சியராகவும் ,தூத்துக்குடி மாவட்டத்தின் புதிய ஆட்சியராக தேசிய சுகாதார திட்ட இயக்குனர் ஆக இருந்த செந்தில்ராஜ் யையும்&nbsp; இடமாற்றம் செய்து தமிழக அரசு உத்தரவிட்டிருந்தது.இதனையடுத்து தூத்துக்குடி மாவட்ட ஆட்சியராக செந்தில் ராஜ் இன்று (15.11.2020)&nbsp; காலை பொறுப்பேற்றார். அவருக்கு அதிகாரிகள் வாழ்த்து தெரிவித்தனர்.இவர் தூத்துக்குடி மாவட்டத்திற்கு 26 வது ஆட்சியர் ஆகும்.</p><p><b>அமைச்சரிடம் வாழ்த்து</b></p><p><img src="https://www.vilasalnews.com/img/post/postimage/2020/11/15/11605425378.jpg" style="width: 256px;"><b><br></b></p><p>தூத்துக்குடி விமான நிலையத்தில் செய்தி மற்றும் விளம்பரத்துறை அமைச்சர் செ.கடம்பூர் ராஜூ வை, தூத்துக்குடி மாவட்ட புதிய மாவட்ட ஆட்சியராக நியமிக்கப்பட்டுள்ள&nbsp; செந்தில்ராஜ் மரியாதை நிமித்தமாக , பூங்கொத்து கொடுத்து வாழ்த்து பெற்றார்.<br></p><p>இந்நிகழ்வின் போது ,சட்டமன்ற உறுப்பினர்கள் எஸ்.பி.சண்முகநாதன் ,சின்னப்பன், மாவட்ட அறங்காவலர் குழு தலைவர் மோகன் ஆகியோர் உடனிருந்தனர்.<br></p>