<p><b>இளம்பெண் ஒருவரைப் பின்தொடர்ந்து தொல்லை கொடுத்ததுடன், அவருக்குக் கொலை மிரட்டல் விடுத்த ஆட்டோ ஓட்டுநரை போலீசார் கைது செய்து சிறையில் அடைத்தனர்.</b></p><p><br></p><p>தூத்துக்குடி மாவட்டம் கோவில்பட்டி அருகேயுள்ள முடுக்கலான்குளம், தெற்குத் தெருவைச் சேர்ந்தவர் பூபாண்டி (22). முருகேசன் என்பவரது மகனான இவர் ஆட்டோ ஓட்டி வருகிறார். பூபாண்டி, அதே பகுதியைச் சேர்ந்த 25 வயதுடைய இளம்பெண் ஒருவரை நீண்ட நாட்களாகப் பின்தொடர்ந்து வந்துள்ளார்.</p><p><br></p><p>வழியில் அந்தப் பெண்ணை மறித்து தேவையற்ற தொல்லைகள் கொடுத்ததுடன், தகாத வார்த்தைகளால் திட்டியதாகவும் கூறப்படுகிறது. ஒருகட்டத்தில் எல்லை மீறிய பூபாண்டி, அந்தப் பெண்ணிற்கு கொலை மிரட்டலும் விடுத்துள்ளார்.</p><p><br></p><p>தொடர் தொல்லைகளால் மனமுடைந்த அந்த இளம்பெண், இது குறித்து கொப்பம்பட்டி காவல் நிலையத்தில் புகார் அளித்தார். புகாரைப் பெற்றுக்கொண்ட போலீசார் வழக்குப்பதிவு செய்து தீவிர விசாரணை மேற்கொண்டனர்.</p><p><br></p><p>இதனையடுத்து, பூபாண்டியை போலீசார் கைது செய்தனர். நீதிமன்றத்தில் ஆஜர்படுத்தப்பட்ட அவர் பின்னர் சிறையில் அடைக்கப்பட்டார்.</p>