<p>தொகுதிப் பங்கீட்டில் ஏற்பட்ட அதிருப்தி காரணமாக, புதுச்சேரியில் பாஜக – அதிமுக கூட்டணியில் இருந்து விலகி, தனித்து போட்டியிடப் போவதாக பாட்டாளி மக்கள் கட்சி அறிவித்துள்ளது.<br></p><p>புதுச்சேரி பேரவை தேர்தலில் 30 தொகுதிகளிலும் பாமக தனித்து போட்டியிடுவதாக புதுச்சேரி மாநில பாமக துணைத் தலைவர் சத்தியநாராயணன் தெரிவித்துள்ளார்.<br></p><p>பாமகவுக்கு தொகுதி ஒதுக்கப்படவில்லை என பாஜக மேலிட பொறுப்பாளர் சுரானா அறிவித்ததை தொடர்ந்து தனித்து போட்டியிட போவதாக முடிவெடுத்துள்ளனர்.<br></p><p>தமிழகத்தில் அதிமுக கூட்டணியில் இருந்து தேமுதிக விலகிய நிலையில், புதுச்சேரியில் பாமகவும் விலகி இருப்பது, பெரும் பின்னடைவாக கருதப்படுகிறது.  இது புதுச்சேரி அரசியலில் பெரும் பரபரப்பை ஏற்படுத்தி இருக்கிறது.<br></p>