<p><b>மகாராஷ்டிரா, ஜார்க்கண்ட் சட்டப்பேரவைத் தேர்தலில் பதிவான வாக்குகள் இன்று (நவ.,23) காலை 8 மணி முதல் தொடங்கி எண்ணப்பட்டு வகின்றது. முதலில் தபால் வாக்குகள் எண்ணப்பட்ட நிலையில், மகாராஷ்டிரா, ஜார்க்கண்டில் பாஜக முன்னிலை வகிக்கிறது.</b></p><p><b><br></b></p><p><b style="color: rgb(16, 74, 90);">மகாராஷ்டிரா முன்னிலை நிலவரம்</b></p><p>பாஜக மகாயுதி அணி - 121</p><p>காங்., மகாவிகாஸ் அகாடி - 82</p><p>( மொத்த இடங்கள் - 288 | பெரும்பான்மைக்கு - 145 )</p><p><br></p><p><span style="font-weight: bold; color: rgb(57, 123, 33);">ஜார்க்கண்ட் முன்னிலை நிலவரம்</span></p><p>பாஜக கூட்டணி - 39</p><p>ஜெஎம்எம் + காங்., அணி - 30</p><p>( மொத்த இடங்கள் - 81 | பெரும்பான்மைக்கு 41 )</p><p><br></p><p><span style="font-weight: bold; color: rgb(49, 24, 115);">மகாயுதி Vs மகா விகாஸ் அகாடி</span></p><p>மகாராஷ்டிராவில் 288 சட்டப்பேரவைத் தொகுதிகள் உள்ளது. இந்த தொகுதிகளுக்கு ஒரே கட்டமாக கடந்த 20 ஆம் தேதி வாக்குப்பதிவு நடைபெற்றது. மகாராஷ்டிராவில் ஆளும் பாஜக, சிவசேனா ( முதல்வர் ஏக்நாத் ஷிண்ட அணி ), தேசியவாத காங்கிரஸ் ( துணை முதல்வர் அஜித் பவார் அணி ) அடங்கிய மகாயுதி கூட்டணிக்கும், காங்கிரஸ், சிவசேனா ( உத்தவ் தாக்கரே அணி ) தேசியவாத காங்கிரஸ் ( சரத் பவார் அணி ) அடங்கிய மகா விகாஸ் அகாடி கூட்டணிக்கும் இடையே நேரடியாக போட்டி நிலவுகிறது.</p><p><br></p><p>தற்போதைய நிலவரபட்டி 288 தொகுதிகளில் 121- ல் மகாயுதி கூட்டணியும், 82- ல் மகாவிகாஸ் அகாடி கூட்டணியும் முன்னிலை வகிக்கின்றன.</p><p><br></p><p><span style="font-weight: bold; color: rgb(206, 0, 0);">ஜெஎம்எம் + காங்கிரஸ் vs பாஜக கூட்டணி</span></p><p>ஜார்க்கண்ட் மாநிலத்தில் மொத்தம் 81 சட்டப்பேரவைத் தொகுதிகள் உள்ளது. இந்த தொகுதிகளுக்கு கடந்த 13 மற்றும் 20 ஆகிய தேதிகளில் 2 கட்டங்களாக வாக்குப்பதிவு நடைபெற்றது. ஜார்க்கண்டில் ஆளும் ஜார்க்கண்ட் முக்தி மோர்ச்சா, காங்கிரஸ் கூட்டணிக்கும், பாஜக தலைமையிலான தேசிய ஜனநாயக கூட்டணிக்கும் இடையே நேரடி போட்டி நிலவுகிறது.</p><p><br></p><p>தற்போதைய நிலவரப்படி மொத்தம் உள்ள 81 தொகுதிகளில் பாஜக கூட்டணி 39 இடங்களிலும், ஆளும் ஜெஎம்எம் தலைமையிலான கூட்டணி 30 இடங்களிலும் முன்னிலை வகிக்கின்றது.</p>