<p><b>தூத்துக்குடி மாவட்டம், ஒட்டப்பிடாரம் அருகே கீழ முடிமண் பேருந்து நிறுத்தம் அருகே ஓட்டப்பிடாரம் காவல் நிலைய உதவி ஆய்வாளர் விஜயகுமார் மற்றும் போலீசார் நேற்று மாலையில்&nbsp; ரோந்து பணியில்&nbsp; ஈடுபட்டிருந்தனர்.&nbsp;</b><br></p><p>அப்போது அவ்வழியாக வந்த கவர்னகிரி கிராமத்தைச் சேர்ந்த செபஸ்தியான்&nbsp; மகன் கதிரேசன்( 27) என்பவரை பிடித்து சோதனை செய்ததில், அவர் சட்ட விரோதமாக மது பாட்டில்களை விற்பனைக்காக வைத்திருந்தது தெரியவந்தது. இதை அடுத்து போலீசார் கதிரேசனை கைது செய்து அவரிடமிருந்து 40 மது பாட்டில்களையும் மற்றும்&nbsp; மது விற்பனைக்கு பயன்படுத்திய&nbsp; இருசக்கர வாகனத்தையும் பறிமுதல் செய்து விசாரணை நடத்தி வருகின்றனர். மேலும் கதிரேசன் மீது ஏற்கனவே புதியம்புத்தூர், ஓட்டப்பிடாரம் காவல் நிலையங்களில் சட்டவிரோத மது விற்பனை வழக்கு உட்பட வழக்குகள் உள்ளது குறிப்பிடத்தக்கது.</p>