தூத்துக்குடியில் பாராளுமன்ற உறுப்பினர் கனிமொழி பிறந்த நாளை முன்னிட்டு நடைபெற்ற சிறப்பு மருத்துவ முகாமை மேயர் ஜெகன் பெரியசாமி துவக்கி வைத்தார். 

தூத்துக்குடியில் வடக்கு மாவட்ட திமுக சார்பில் தூத்துக்குடி தொகுதி பாராளுமன்ற உறுப்பினர் கனிமொழி பிறந்தநாள் விழா கொண்டாடப்பட்டது. பழைய பேருந்து நிலையம் முன்பு கேக் வெட்டும் நிகழ்ச்சி நடந்தது. இதில் மாநகராட்சி மேயர் ஜெகன் பெரியசாமி கலந்துகொண்டு கேக் வெட்டி அனைவருக்கும் வழங்கினார். பின்னர் தூத்துக்குடி 14 வது வார்டு சார்பில் கனிமொழி எம்பி பிறந்தநாளை முன்னிட்டு மாபெரும் சிறப்பு மருத்துவ முகாம் தூத்துக்குடி விஎம்எஸ் நகர் தனியார் பள்ளியில் நடந்தது .

இந்நிகழ்ச்சிக்கு மாநகர செயலாளர் எஸ்ஆர் ஆனந்த சேகரன் தலைமை தாங்கினார். தூத்துக்குடி மாநகர திமுக துணைச் செயலாளரும், மாநகராட்சி கவுன்சிலருமான கீதா முருகேசன் வரவேற்று பேசினார். தூத்துக்குடி மாநகராட்சி மேயர் ஜெகன் பெரியசாமி கலந்துகொண்டு சிறப்பு மருத்துவ முகாமை துவக்கி வைத்தார் 

மருத்துவ முகாமில் மதுரை மீனாட்சி மிஷன் மருத்துவமனை மற்றும் திருநெல்வேலி காவேரி மருத்துவமனை தூத்துக்குடி வாசன் கண் மருத்துவமனை ஆகியோர் இணைந்து மருத்துவ சேவை செய்தனர். முகாமில் பொதுமக்கள் கலந்து கொண்டு பயன்பெற்றனர்