தூத்துக்குடியில் தொழிலாளியிடம் பணம் பறித்த 3 சிறுவர்கள் உட்பட 4 பேரை போலீசார் கைது செய்தனர். 

தூத்துக்குடி கோரம்பள்ளத்தைச் சேர்ந்தவர் மாரியப்பன் (45). கூலி தொழிலாளியான இவர், நேற்று முன்தினம் மடத்தூர் தனியார் எண்ணெய் ஆலை அருகே நடந்து சென்றுகொண்டிருந்தாராம். அப்போது எதிரே 2 பைக்குகளில் வந்த 4 பேர், மாரியப்பனை வழிமறித்து அவரிடம் இருந்த ரூ.550 பணத்தை பறித்துக் கொண்டு தப்பியோடி விட்டதாகக் கூறப்படுகிறது. இதுகுறித்த புகாரின் பேரில் சிப்காட் போலீசார் வழக்குப் பதிவு செய்து, 3 சிறுவர்கள் உட்பட 4 பேரை போலீசார் கைது செய்தனர்.