அரசு நிதி​யுதவி பெறும் பள்ளி​களில் தமிழ்​வழிக் கல்வி பயின்று, உயர்​கல்வி பயிலும் மாணவி​களுக்​கும் புது​மைப்​பெண் திட்டத்​தின் மூலம் உதவித்​தொகை வழங்​கும் திட்​டத்தை தமிழ்நாடு முதல்வர் மு.க.ஸ்​டா​லின் வரும் டிசம்பர் 30ஆம் தேதி தூத்​துக்​குடி​யில் தொடங்கி​வைக்​கிறார்.

சமூகநலன் மற்றும் மகளிர் உரிமைத் துறை சார்​பில், அரசுப் பள்ளி​களில் படித்து உயர்​கல்வி பயிலும் அனைத்து மாணவி​களுக்​கும் புது​மைப்​பெண் திட்​டத்​தில் மாதந்​தோறும் ரூ.1,000 வழங்​கப்​பட்டு வருகிறது.

இந்நிலை​யில், அரசு உதவி ​பெறும் பள்ளி மாணவி​களுக்​கும் இந்த புது​மைப் பெண் திட்டம் விரிவாக்கம் செய்​யப்​பட்​டுள்​ளது. ஆகவே, தூத்​துக்​குடி​யில் வரும் 30 ஆம் தேதி முதல்வர் மு.க.ஸ்​டா​லின் இந்த திட்​டத்தை தொடங்கி ​வைக்​கிறார்.

இது தொடர்பாக வங்கி​யாளர்​கள், அரசு அலுவலர்​கள், கல்லூரிதொடர்பு அலுவலர்​களு​டனான ஆலோசனைக் கூட்டம் தூத்​துக்​குடி ஆட்சியர் அலுவல​கத்​தில் நேற்று நடைபெற்​றது. சமூகநலன் மற்றும் மகளிர் உரிமைத் துறை அமைச்சர் கீ​தாஜீவன் தலைமை வகித்​தார். துறைச் செயலர் ஜெயஸ்ரீ முரளிதரன், மாவட்ட ஆட்சியர் இளம்​பகவத் ஆகியோர் முன்னிலை வகித்​தனர்.

கூட்​டத்​தில் அமைச்சர் கீதா ஜீவன் பேசும்​போது, “2024- 2025 ஆம் கல்வி​யாண்டு முதல் அரசு உதவி​பெறும் பள்ளி​களில் தமிழ் ​வழிக் கல்வி பயின்று, உயர் கல்வியில் முதலா​மாண்டு, இரண்​டா​மாண்டு மற்றும் இறுதி​யாண்டு பயிலும் அனைத்து மாணவிகளுக்​கும் மாதம்தோறும் ரூ.1,000 வழங்​கும் வகையில் இந்த திட்டம் விரிவுப்​படுத்​தப்​பட்​டுள்​ளது. இத்திட்டத்தை செயல்படுத்தும் விதமாக தூத்​துக்​குடி​யில் வரும் 30ஆம் தேதி நடைபெறும் அரசு விழா​வில் முதல்வர் மு.க.ஸ்​டா​லின் இந்த திட்​டத்தை தொடங்கி வைக்க உள்ளார்” என்றார்.