தமிழ்நாட்டில் இன்று ஓரிரு இடங்களில் கனமழைக்கு வாய்ப்பு உள்ளதால் இந்திய வானிலை மையம் மஞ்சள் எச்சரிக்கை விடுத்துள்ளது.

தமிழ்நாட்டில் சில தினங்களாக வடகிழக்கு பருவமழை பரவலாக மழை பெய்து வருகிறது. வட மற்றும் தென் தமிழகம், உள் மாவட்டங்களில் கனமழை பெய்து வருகிறது. இந்நிலையில் தமிழ்நாடு, புதுச்சேரி, காரைக்காலில் இன்று இடி, மின்னலுடன் கூடிய கனமழை பெய்ய வாய்ப்புள்ளதாக இந்திய வானிலை ஆய்வு மையம் தெரிவித்துள்ளது.

தமிழ்நாடு, புதுச்சேரி, காரைக்கால், கேரளா, மாஹே ஆகிய இடங்களில் இடி, மின்னலுடன் கூடிய மிதமான மழை இன்று பெய்யும் என்றும், தமிழகத்தில் 12 மாவட்டங்களில் கனமழை பெய்ய வாய்புள்ளதாகவும் இந்திய வானிலை மையம் எச்சரித்துள்ளது. அதில், மயிலாடுதுறை, தஞ்சாவூர், திருவாரூர், நாகை, கடலூர், அரியலூர், புதுக்கோட்டை, சிவகங்கை, ராமநாதபுரம், திருநெல்வேலி, தூத்துக்குடி, கன்னியாகுமரி ஆகிய 12 மாவட்டங்களில் இன்று கனமழைக்கு வாய்ப்புள்ளதாக இந்திய வானிலை ஆய்வு மையம் எச்சரித்துள்ளது.