தூத்துக்குடி பிரையண்ட் நகரில் செப்., 29ஆம் தேதி "நம்ம ஸ்ட்ரீட்" நிகழ்ச்சி நடைபெறவுள்ளதாக மாநகராட்சி ஆணையர் மதுபாலன் தெரிவித்துள்ளார்.

இதுகுறித்து அவர் வெளியிட்டுள்ள செய்திக்குறிப்பில் கூறியிருப்பதாவது: 

புத்தகத் திருவிழா, நெய்தல் கலைவிழா ஆகியவற்றை முன்னிட்டு, ‘நம்ம ஸ்ட்ரீட்’ நிகழ்ச்சி தூத்துக்குடியில் நடைபெறுகிறது. 

தூத்துக்குடி பிரையண்ட் நகர் பிரதான சாலையில் செப்.,29 ஆம் தேதி மாலை 4 மணி முதல் இரவு 8 மணி வரை இந்த நிகழ்ச்சி நடைபெறும். இதில், வில்லுப்பாட்டு, நடனம், விளையாட்டு உள்ளிட்ட நிகழ்ச்சிகள் இடம்பெறும். இதில் பொதுமக்கள் பங்கேற்கலாம் எனத் தெரிவித்துள்ளார்.