எட்டையபுரம் அருகே கார் கவிழ்ந்து விபத்துக்குள்ளானதில் காரில் பயணித்த 4 பேர் லேசான காயங்களுடன் அதிஷ்டவசமாக உயிர் தப்பினர். 

மதுரை மாவட்டத்தைச் சேர்ந்தவர் ரவிச்சந்திரன் (57). இவர் குடிநீர் பைப் லைன் அமைக்கும் பணி செய்து வருகிறார். இந்தநிலையில், இன்று தூத்துக்குடி மாவட்ட ஆட்சியர் அலுவலகத்திற்கு குடிநீர் பைப் லைன் அமைக்கும் பணி ஒப்பந்தம் தொடர்பாக அவரது நண்பர்களான சேலத்தைச் சேர்ந்த சரவணகுமார் (38), ரவி (53), மதுரையைச் சேர்ந்த முகமது யாசின் ஆகிய 4 பேருஞன் காரில் வந்துள்ளார்.

ரவிச்சந்திரன் காரை ஓட்டி சென்றுள்ளார். இந்தநிலையில், எட்டையபுரம் அருகே தாப்பாத்தி தேசிய நெடுஞ்சாலையில் கார் வந்து கொண்டிருந்தபோது திடீரென கட்டுப்பாட்டை இழந்து கவிழ்ந்து விபத்திற்குள்ளானது. இதில் காரில் வந்த 4 பேரும் லேசான காயங்களுடன் அதிஷ்டவசமாக உயிர் தப்பினர். இதனையடுத்து, விபத்தில் சிக்கிய அவர்களை அங்கிருந்தவர்கள் மீட்டு எட்டையபுரம் அரசு மருத்துவமனைக்கு சிகிச்சைக்காக அனுப்பி வைத்தனர்