ஓட்டப்பிடாரம் அருகே மலைப்பட்டி கிராமத்தில் உள்ள ஸ்ரீ மாரியம்மன் காளியம்மன் சுடலைமாடன் கருப்பசாமி மாடசாமி கோவில் திருவிழாவை முன்னிட்டு மாபெரும் மின்னொளி கபாடி போட்டி நேற்றிரவு நடைபெற்றது. 

இதில் ஓட்டப்பிடாரம் யூனியன் சேர்மன் ரமேஷ் கலந்து கொண்டு இறுதிப் போட்டியை தொடங்கி வைத்து, தொடர்ந்து வெற்றி பெற்ற இளவேலங்கால் முத்தாரம்மன் கபாடி குழு அணிக்கு பரிசு தொகை ரூபாய் 25,000 வழங்கினார் . நிகழ்ச்சியில் விடுதலை சிறுத்தைகள் கட்சி கதிரேசன் ஊராட்சி மன்ற தலைவர்கள் இப்பால் என்ற சின்ன மாரியப்பன், அருண்குமார், திமுக ஒன்றிய பொறியாளர் அணி மணிகண்டன், இளைஞர் அணி சிலம்பு சூர்யா, கிளைச் செயலாளர் பெருமாள் உட்பட பலர் கலந்து கொண்டனர்.