தூத்துக்குடி மாவட்டம், ஓட்டப்பிடாரம் அருகே எஸ்.கைலாசபுரம், உமரிக்கோட்டை, வரதராஜபுரம் ஆகிய கிராமங்களுக்கு அருகே பெருமாள் மேட்டில் அருள் பாலித்து வரும்  ஸ்ரீ கைலாநாதர் திருக்கோவில், ஆடிப்பூரத்தை முன்னிட்டு ஸ்ரீகௌரி அம்பாள் அம்பாளுக்கு வளைகாப்பு நிகழ்ச்சி நடைபெற்றது.

இதில் அம்பாளுக்கு வளையல் சாற்றப்பட்டு அலங்கார தீபாராதனை காட்டப்பட்டது. .ஆடிமாதம் பூர நட்சத்திரத்தில் தான் அம்மன் தோன்றினாள் என்பதால், திருவாடிபூரம் பெண்களுக்கு  முக்கியத்துவம் வாய்ந்ததாகும். மேலும் மங்கையர்களுக்கு அரசியான இந்த அம்மனுக்கு; பெண்களுக்கு வளைகாப்பு நடத்துவதைப்போலவே, வளைகாப்பு நடத்தி மகிழ்ந்திடும் நாளே ஆடிப்பூரம். ஆடிப்பூரம் தினத்தன்று அம்மனுக்கு வளையல் அணிவித்து செய்யப்படும் வழிபாடு மிகவும் சிறப்பானது. இந்நிகழ்ச்சியில் திருமணத்தடை உள்ள கன்னிப்பெண்கள் திருமணவரன் வேண்டியும், குழந்தை பாக்கியம் இல்லாத பெண்கள் குழந்தைச் செல்வம் கேட்டும் அம்பாளின் அருள் பெறுவதற்காக இந்த வளையல் சாற்றும் வைபவத்தில் கலந்து கொண்டு பலன் பெறுகிறார்கள். இதனை முன்னிட்டு இன்று காலையில் கோவில் நடைதிறக்கப்பட்டு உற்சவர், மூலவருக்கு அர்ச்சனை நடைபெற்றது.

தொடர்ந்து பரிவார மூர்த்திகளுக்கும் சிறப்பு பூஜைகள் நடைபெற்றது. தொடர்ந்து மாலை 6 மணி அளவில் அம்பாளுக்கு வளையல் சாற்றும் இந்த ஆடிப்பூரம் வளைகாப்பு மிக சிறப்பாக நடைபெற்றது. பின்னர் கோவிலுக்கு வந்த பக்தர்கள் அனைவருக்கும் அம்பாளின் 'வளைகாப்பு விழாவை' முன்னிட்டு 5 வகையான சாதங்கள் பிரசாதமாக வழங்கப்பட்டன. இந்நிகழ்ச்சியில் சுற்றுவட்டார கிராமங்களை சேர்ந்த ஏராளமான பக்தர்கள் கலந்து கொண்டு சாமி தரிசனம் செய்தனர்.