விளாத்திகுளம் அருகே  ஆடுகள் திருடிய 3 பேரை போலீசார் கைது செய்தனர்.

விளாத்திகுளம் சிவஞானபுரம் பகுதியை சேர்ந்த மாடசாமி மகன் மகேஷ் (47) என்பவர் எப்போதும்வென்றான் காவல் நிலைய எல்லைக்குட்பட்ட சிவஞானபுரம் - நமச்சிவாயபுரம் ரோடு பகுதியில் ஆட்டு கொட்டகை அமைத்து ஆடுகள் வளர்த்து வருகிறார். மேற்படி ஆட்டு கொட்டகையில் இருந்த 7 ஆடுகளை கடந்த 03.07.2023 அன்று மர்ம நபர்கள் சரக்கு வாகனத்தில் திருடி சென்றுள்ளனர்.

இதுகுறித்து மகேஷ் அளித்த புகாரின் பேரில் எப்போதும்வென்றான் காவல் நிலைய போலீசார் வழக்குபதிவு செய்து விசாரணை மேற்கொண்டதில் விளாத்திகுளம் அருங்குளம் பகுதியை சேர்ந்தவர்களான முருகேசன் மகன் வேல்ராஜ் (34) மருதுலிங்கம் மகன் மகேந்திரன் (25) மற்றும் ஆறுமுகம் மகன் அர்ஜுன் (25) ஆகிய 3 பேரும் சேர்ந்து மேற்படி மகேஷின் ஆடுகளை சரக்கு வாகனத்தில் திருடி சென்றது தெரியவந்தது.

இதனையடுத்து எப்போதும்வென்றான் காவல் நிலைய உதவி ஆய்வாளர் செந்தில்வேல்முருகன் மற்றும் போலீசார்  வேல்ராஜ், மகேந்திரன் மற்றும் அர்ஜுன் ஆகிய 3 பேரையும் கைது செய்து அவர்களிடமிருந்து திருடப்பட்ட ரூபாய் 1,40,000 மதிப்புள்ள 7 ஆடுகள் மற்றும் திருடுவதற்கு பயன்படுத்தப்பட்ட சரக்கு வாகனத்தையும் பறிமுதல் செய்தனர்.

மேலும் இதுகுறித்து, எப்போதும்வென்றான் காவல் நிலைய போலீசார் விசாரணை மேற்கொண்டு வருகின்றனர்.