தூத்துக்குடி மாநகர் திரேஸ்புரத்தில் மெயில் ரோட்டில் அதிமுக சார்பில் அமைக்கப்பட்ட கோடைகால நீர் மோர் பந்தலை முன்னாள் அமைச்சர் சி.த.செல்லப்பாண்டியன் திறந்து வைத்தார்.
அதிமுக பொதுச் செயலாளரும், சட்டமன்ற எதிர் கட்சி தலைவருமான எடப்பாடி கே.பழனிச்சாமி ஆணைக்கிணங்க, தூத்துக்குடி 8 வது வார்டு அதிமுக நிர்வாகிகள் சகாயராஜ், ஜெனோபர், கிளமென்டஸ், அசன், சங்கர், ஜேடிஅம்மா ஏற்பாட்டில், திரேஸ்புரம் மெயின் ரோட்டில் அமைக்கப்பட்ட கோடைகால நீர், மோர் பந்தலை, அதிமுக அமைப்பு செயலாளரும், முன்னாள் அமைச்சர் சி. த. செல்லப்பாண்டியன் திறந்து வைத்து பொதுமக்களுக்கு குளிர்பானங்கள், இளநீர், மோர், தர்பூசணி மற்றும் பழவகைகளை வழங்கினார்.
இந்நிகழ்ச்சியில், வடக்கு மாவட்ட அம்மா பேரவை இணைச்செயலாளர் ஜீவா பாண்டியன், தலைமை கழக பேச்சாளர் கருணாநிதி, முன்னாள் மாவட்ட மத்திய கூட்டுறவு வங்கி தலைவர் பி.டி.ஆர் ராஜகோபால், மத்திய தெற்கு பகுதி அவைத்தலைவர் குமார், மாவட்ட மகளிர் அணி இணைச்செயலாளர் ஞானபுஷ்பம், வட்ட செயலாளர்கள் மில்லர் ஆர்.எல். ராஜா, துரைசிங், அரசு போக்குவரத்து கழக முன்னாள் மண்டல இணை செயலாளர் சங்கர், மாவட்ட தகவல் தொழில்நுட்ப பிரிவு இணைச் செயலாளர் கௌதம் பாண்டியன், வட்ட பிரதிநிதி மணிகண்டன் உள்ளிட்ட அதிமுக நிர்வாகிகள் பலர் கலந்து கொண்டனர்.
