தூத்துக்குடியில் தகராறு செய்து கத்தியைக் காட்டி கொலை மிரட்டல் விடுத்தவரை போலீசார் கைது செய்தனர். 

தூத்துக்குடி மாவட்ட காவல் கண்காணிப்பாளர் பாலாஜி சரவணன் உத்தரவின் பேரில், தூத்துக்குடி நகர காவல் உதவி  கண்காணிப்பாளர் (பொறுப்பு) சந்தீஸ் மேற்பார்வையில்  தென்பாகம் காவல் நிலைய ஆய்வாளர் ஆனந்தராஜன் தலைமையில் தூத்துக்குடி நகர உட்கோட்ட தனிப்படை காவல்துறையினர் நேற்று (01.06.2022) ரோந்து பணியில் ஈடுபட்டபோது, தென்பாகம் காவல் நிலைய எல்லைக்குட்பட்ட ஒரு திருமண மஹால் அருகில்  சந்தேகத்திற்க்கிடமான முறையில் நின்று கொண்டிருந்தவரை பிடித்து விசாரணை செய்தனர்.

இதில் அவர் தூத்துக்குடி மேல சண்முகபுரம் பகுதியை சேர்ந்த சங்கர் மகன் செல்வகுமார் (எ) யானை செல்வம் (25)  என்பதும், அவர் அங்கு வந்து கொண்டிருந்த ஒருவரை வழிமறித்து தகராறு செய்து கத்தியைக் காட்டி கொலை மிரட்டல் விடுத்ததும் தெரிய வந்தது. இதையடுத்து போலீசார் அவரை கைது செய்தனர்.

இதுகுறித்து உதவி ஆய்வாளர் பாஸ்கரன் வழக்கு பதிவு செய்து விசாரணை மேற்கொண்டு வருகின்றனர். கைது செய்யப்டப்டுள்ள செல்வகுமார் (எ) யானை செல்வம் மீது ஏற்கனவே தென்பாகம் காவல் நிலையத்தில் 2 வழக்குகள் உள்ளது குறிப்பிடதக்கது.