தூத்துக்குடி மாவட்ட காவல்துறை வாகனங்களை எஸ்பி பாலாஜி சரவணன் ஆய்வு செய்தார்.
தூத்துக்குடி மாவட்ட காவல்துறை அலுவலக மைதானத்தில் கனரக வாகனங்கள் 20, நான்கு சக்கர வாகனங்கள் 58 மற்றும் இருசக்கர வாகனங்கள் 61 மொத்தம் 139 வாகனங்களை மாவட்ட காவல் கண்காணிப்பாளர் பாலாஜி சரவணன்ஆய்வு செய்தார். ஆய்வின் போது இருசக்கர வாகனத்தை சிறந்த முறையில் பராமரித்த தூத்துக்குடி வடபாகம் காவல் நிலைய தலைமை காவலர் சுப்பிரமணியன் என்பவருக்கு அவர் பாராட்டி பரிசு வழங்கினார்.
மேலும் காவல்துறை வாகனங்களை பயன்படுத்தும் ஓட்டுனர்களிடம் வாகனங்கள் மற்றும் அவர்களின் குறைபாடுகளையும் கேட்டறிந்தார். குறைபாடு உள்ள வாகனங்களை உடனே சீர் செய்யுமாறும், காவல்துறையினரின் குறைபாடுகளை சரி செய்யுமாறு மாவட்ட ஆயுதப்படை காவல் ஆய்வாளர் சுடலைமுத்து அவர்களுக்கு உத்தரவிட்டார். மேலும் நான்கு சக்கர வாகனம் ஓட்டுபவர்கள் கட்டாயம் சீட் பெல்ட் அணிய வேண்டும், இரு சக்கர வாகனம் ஓட்டுபவர்கள் கட்டாயம் ஹெல்மெட் அணியவேண்டும் என்றும், சாலை விதிகளை மதித்து நடக்க வேண்டும். எவ்வித விபத்தும் ஏற்படா வண்ணம் வாகனம் ஓட்ட வேண்டும் என்று அறிவுரை வழங்கினார்.
ஆய்வின் போது மாவட்ட தனிப்பிரிவு காவல் ஆய்வாளர் பேச்சிமுத்து, ஆயுதப்படை காவல் ஆய்வாளர் சுடலைமுத்து, போக்குவரத்து பிரிவு காவல் ஆய்வாளர் மயிலேறும்பெருமாள், போக்குவரத்து பிரிவு உதவி ஆய்வாளர் வெங்கடேஷ், ஆயுதப்படை மோட்டார் வாகன பிரிவு உதவி ஆய்வாளர்கள் மணிகண்டன், அந்தோணி ராபின்ஸ்டன் கென்னடி உள்ளிட்ட காவல்துறையினர் உடனிருந்தனர்.
