தூத்துக்குடி மாநகராட்சி தேர்தலில் 60 வார்டுகளில் போட்டியிட்ட அதிமுக வேட்பாளர்களில் 18 அதிமுக வேட்பாளர்கள் டெபாசிட் தொகையை இழந்துள்ளனர்.

தூத்துக்குடி மாநகராட்சியின் 60 வார்டுகளில் அதிமுக தனித்துப் போட்டியிட்டது. 52 வார்டுகளில் பாஜக தனித்துப் போட்டியிட்டது. திமுக மற்றும் அதன் கூட்டணி கட்சிகள் 60 வார்டுகளில் போட்டியிட்டது.

இதில், அதிமுக 18 வார்டுகளில் டெபாசிட்டை இழந்துள்ளது. காங்கிரஸ் 59 வது வார்டில் மட்டும் டெபாசிட்டை இழந்துள்ளது. மொத்தம் மாநகராட்சியில் 52 வார்டுகளில் தனித்துப் போட்டியிட்ட பாஜக 43 வார்டுகளில் டெபாசிட்டை இழந்துள்ளது. ஆளும் கட்சியான திமுக ஒரு வார்டில் கூட டெபாசிட் இழக்க வில்லை.