தூத்துக்குடி மாநகராட்சி கவுன்சிலர் பதவிக்கான 17 வது வார்டில் போட்டியிட பாஜக சார்பில் மாரிச்சாமி என்பவர் வேட்பு மனு தாக்கல் செய்தார்.

தூத்துக்குடி மாநகராட்சியில் உள்ள 60 வார்டுகளுக்கான நகர்ப்புற உள்ளாட்சி தேர்தல் வருகிற பிப்ரவரி 19ஆம் தேதி நடக்கிறது. இதற்கான வேட்பு மனு தாக்கல் கடந்த 28ம்தேதி தொடங்கியது.

இந்த நிலையில் இன்று  ராஜீவ் நகர், அன்னை தெரசா நகர், பால்பாண்டி நகர், புஷ்பா நகர், காந்தி நகர், ஹரிராம் நகர் உள்ளிட்ட பகுதிகளை கொண்ட 17 வது  பொது வார்டில், பாரதிய ஜனதா கட்சி சார்பில் போட்டியிட மாரிச்சாமி என்பவர் தூத்துக்குடி மாநகராட்சி அலுவலகத்தில் உதவி தேர்தல் அலுவலரிடம் இன்று தனது வேட்பு மனு தாக்கல் செய்தார்.