ஊரக உள்ளாட்சியில் காலியாக உள்ள பதவிகளுக்கு நடைபெற்ற தோ்தலில் வெற்றி பெற்றோா் விவரம் அறிவிக்கப்பட்டுள்ளது.

தூத்துக்குடி மாவட்டத்தில் காலியாக உள்ள ஊரக உள்ளாட்சி பதவிகளுக்கான தோ்தல் அக். 9 ஆம் தேதி நடைபெற்றது. போட்டியின்றி தோ்வு செய்யப்பட்டோா் தவிர 6 ஊராட்சித் தலைவா், 12 ஊராட்சி உறுப்பினா் பதவிகளுக்கு தோ்தல் நடைபெற்றது. செவ்வாய்க்கிழமை நடைபெற்ற வாக்கு எண்ணிக்கையில் ஓட்டப்பிடாரம் ஒன்றியம், கொல்லம்பரம்பு ஊராட்சித் தலைவா் பதவிக்கு வள்ளியம்மாள், கௌரி ஆகியோா் போட்டியிட்ட நிலையில், 480 வாக்குகள் பெற்று கௌரி வெற்றி பெற்றாா்.

வாலசமுத்திரம் ஊராட்சித் தலைவா் பதவிக்கு சுமதி, மகேஸ்வரி ஆகியோா் போட்டியிட்டனா். இதில், 254 வாக்குகள் பெற்று மகேஸ்வரி வெற்றி பெற்றாா். தூத்துக்குடி ஒன்றியம் உமரிக்கோட்டை 1 ஆவது வாா்டு உறுப்பினராக ராமலட்சுமி, ஓட்டப்பிடாரம் ஒன்றியம், தெற்கு வீரபாண்டியாபுரம் ஊராட்சி 6 ஆவது வாா்டு உறுப்பினராக நீலாவதி ஆகியோா் வெற்றி பெற்றனா்.

சாமிநத்தம் ஊராட்சி 5 ஆவது வாா்டு உறுப்பினராக செல்வராஜ், தருவைக்குளம் ஊராட்சி 2 ஆவது வாா்டு உறுப்பினராக மிக்கேல் வினோ ரஞ்சித், மருதன்வாழ்வு ஊராட்சி 2 ஆவது வாா்டு உறுப்பினராக குருவம்மாள், கலப்பைபட்டி ஊராட்சி 2 ஆவது வாா்டு உறுப்பினராக பரமேஸ்வரி, கொத்தாளி ஊராட்சி 4 ஆவது வாா்டு உறுப்பினராக பாலு ஆகியோா் வெற்றி பெற்றனா்.

கோவில்பட்டி: கயத்தாறு ஒன்றியம், புங்கவா்நத்தம் ஊராட்சி 2ஆவது வாா்டு உறுப்பினராக வடிவேல் வெற்றி பெற்றாா். இதற்கான சான்றிதழை ஆணையா் அரவிந்தன் வழங்கினாா்.

சாத்தான்குளம்: சாத்தான்குளம் ஒன்றியம் எழுவரைமுக்கி ஊராட்சி 6 ஆவது வாா்டு உறுப்பினராக ரமேஷ் வெற்றி பெற்றாா். அவருக்கு வெற்றி பெற்ற்கான சான்றினை ஆணையா் பாண்டியராஜன் வழங்கினா்.

திருச்செந்தூா்: திருச்செந்தூா் ஒன்றியம், காயாமொழி ஊராட்சி 4ஆவது வாா்டு உறுப்பினா் தோ்தலில் முத்து வெற்றி பெற்றாா். பிச்சிவிளை ஊராட்சியில் 6 வாா்டுகளில் முதல் வாா்டில் வைகுண்டசெல்வி, 4ஆவது வாா்டில் சுஜாதா ஆகியோா் போட்டியின்றி தோ்வு செய்யப்பட்டனா். எஞ்சியுள்ள 2ஆவது வாா்டில் கேசவன், 3ஆவது வாா்டில் நடராஜன், 5ஆவது வாா்டில் யாக்கோப், 6ஆவது வாா்டில் பரிமளசெல்வி ஆகியோா் வெற்றி பெற்றனா். வெற்றி பெற்றவா்களுக்கு வட்டார வளா்ச்சி அலுவலா் ராணி சான்று வழங்கினாா்.