தூத்துக்குடி  மாவட்டத்தில் வீட்டு உபயோக எரிவாயு உருளைக்கு 01.07.2021 முதல் எரிவாயு நிறுவனங்களால் விலை நிர்ணயம் செய்யப்பட்டுள்ளது. 

இது தொடர்பாக மாவட்ட ஆட்சியர் செந்தில் ராஜ் வெளியிட்ட செய்திக்குறிப்பு:

தூத்துக்குடி மாவட்டத்தில் இந்தியன் ஆயில் நிறுவன வீட்டு உபயோக எரிவாயு உருளை விலை தூத்துக்குடியில் ரூ.899 ஆகவும், கோவில்பட்டியில் ரூ.897.50 ஆகவும், கழுகுமலையில் ரூ.906 ஆகவும், கயத்தாரில் ரூ.909 ஆகவும், எட்டையபுரத்தில் ரூ.897.50 ஆகவும் மற்றும் சாத்தான்குளம் பகுதிக்கு ரூ.916 எனவும், 

பாரத் பெட்ரோலியம் நிறுவன வீட்டு உபயோக எரிவாயு உருளை விலை தூத்துக்குடியில் ரூ.899.50 ஆகவும், ஸ்ரீவைகுண்டத்தில் ரூ.899.50 ஆகவும், மற்றும் குளத்தூரில் ரூ.899.50 எனவும், இந்துஸ்தான் பெட்ரோலியம் நிறுவன வீட்டு உபயோக எரிவாயு உருளை விலை தூத்துக்குடி மாவட்டத்திற்கு ரூ.899 எனவும், 01.07.2021 முதல் எரிவாயு நிறுவனங்களால் நிர்ணயம் செய்யப்பட்டுள்ளது.

எனவே நுகர்வோர்கள் எரிவாயு முகவர்களிடமிருந்து வாங்கும் வீட்டு உபயோக எரிவாயு உருளைக்கு (14.2kg) மேலே குறிப்பிட்டுள்ள தொகைக்கு அதிகமாக பணம் செலுத்த தேவையில்லை என மாவட்ட ஆட்சியர் செந்தில் ராஜ், தெரிவித்துள்ளார்.