கடந்த சில ஆண்டுகளில் உச்சத்தை தொட்ட சின்ன வெங்காயத்தின் விலை தற்போது வரலாறு காணாத வகையில் குறைந்துள்ளது. இதனால் விவசாயிகள் கவலையடைந்துள்ளனர்.

வரத்து அதிகரிப்பு

சின்ன வெங்காயம் விலை குறைவதற்கு முக்கிய காரணம் வரத்து அதிகரிப்பு ஆகும். திண்டுக்கல் மொத்த வெங்காயம் மார்க்கெட்டில் கடந்த திங்கட்கிழமை இதுவரை இல்லாத அளவிற்கு 50 கிலோ எடை கொண்ட சின்ன வெங்காயம் 9,000 மூட்டைகள்  விற்பனைக்கு வந்துள்ளது. இதில் 5,000 மூட்டைகள் ஏற்றுமதிக்காக வந்துள்ளது.

ஏற்றுமதி குறைவு

இலங்கை, மாலத்தீவு, மலேசியா, சிங்கப்பூர், துபாய் போன்ற நாடுகளுக்கு இங்கிருந்து சின்ன வெங்காயம் ஏற்றுமதி செய்யப்படுகிறது. ஆனால், தற்போது ஏற்றுமதி குறைந்துள்ளதால் வெங்காயத்தின் விலை சரசரவென குறைந்துள்ளது.

பருவநிலை

இந்த ஆண்டு பருவநிலை சாதகமாக இருந்ததால் சின்ன வெங்காயத்தின் மகசூலும், வரத்தும் அதிகரித்துள்ளது. இதனாலும் வெங்காயத்தின் விலை குறைந்துள்ளது.

விவசாயிகளுக்கு பாதிப்பு

சின்ன வெங்காயம் விலை குறைவால் விவசாயிகள் பாதிக்கப்படுகின்றனர். கடந்த ஆண்டு சின்ன வெங்காயத்தின் விலை கிலோ ரூ.250 வரை சென்றது. ஆனால், தற்போது கிலோ ரூ.15க்கு விற்கப்படுகிறது. இதனால் விவசாயிகளுக்கு பாதிப்பு ஏற்படுகிறது.

விலை நிலையாக இருக்க நடவடிக்கை எடுக்க வேண்டும்

சின்ன வெங்காயம் விலை நிலையாக இருக்க அரசு நடவடிக்கை எடுக்க வேண்டும். ஏற்றுமதியை அதிகரிக்க நடவடிக்கை எடுக்க வேண்டும். மேலும், பருவநிலை மாற்றத்தால் வெங்காயம் விளைச்சல் பாதிக்கப்படாமல் இருக்க நடவடிக்கை எடுக்க வேண்டும்.