<p>பரிகார பூஜை நடத்துவதாகக் கூறி தங்க நகைகளை மோசடி செய்த நபர் கைது செய்யப்பட்டு, அவரிடமிருந்து 7½ சவரன் தங்க நகைகள் மீட்கப்பட்டது.<br></p><p>கோவில்பட்டி சுப்பிரமணியபுரம் பகுதியைச் சேர்ந்தவர் அய்யனார் மனைவி பேச்சியம்மாள் (42). இவரிடம் கோவில்பட்டி முத்து நகரைச் சேர்ந்த ஆறுமுக நயினார் மகன் முத்துரா மலிங்கம் (44) என்பவர் தான் ஜோசியர் என்று அறிமுகமாகி&nbsp; கடந்த 07.05.2021 அன்று பேச்சியம்மாள் மற்றும் அவரது உறவினரான காசிராஜன், மாரியம்மாள் ஆகியோரிடம் 7½ சவரன் தங்க நகை களை வாங்கி பேச்சியம்மாளின் வீட்டில் வைத்து பரிகார பூஜை செய்துள்ளார். பின்னர் அந்த நகைகளை திருப்பி கொடுக்காமல் மோசடி செய்துள்ளார்.<br></p><p>இதுகுறித்து பேச்சியம்மாள் அளித்த புகாரின் பேரில் கோவில்பட்டி கிழக்கு காவல் நிலைய உதவி ஆய்வாளர் முருகன் வழக்கு பதிவு செய்து முத்துராமலிங்கத்தை கைது செய்தார். மேலும் அவரிடமிருந்து மோசடி செய்யப்பட்ட ரூபாய் 2,00,000/- மதிப்பிலான 7½ சவரன் தங்க நகைகளும் மீட்கப்பட்டது.<br></p>