<p><b>மறைந்த முன்னாள் முதல்வர் ஜெயலலிதாவின் 78-வது ஜெயலலிதா பிறந்தநாளை முன்னிட்டு&nbsp; மகளிர் தினத்தில், தூத்துக்குடி மாவட்டம் எட்டயபுரத்தில் நாளை (மார்ச் 8, ஞாயிற்றுக்கிழமை) பெண்களுக்கான மாபெரும் கோலப் போட்டி நடைபெற உள்ளது.</b></p><p><br></p><p>எட்டயபுரம் அதிமுக நகர செயலாளர் ராஜகுமார் ஏற்பாட்டில் நடைபெறும் இப்போட்டி, எட்டயபுரம் நடுரோடு பட்டத்து விநாயகர் கோவில் முன்பிருந்து சந்திரன் லட்சுமி மண்டபம் வரை உள்ள பகுதியில் நாளை (மார்ச் 8, ஞாயிற்றுக்கிழமை)&nbsp; காலை 7 மணி முதல் 9 மணி வரை நடைபெறும். அதனைத் தொடர்ந்து போட்டியில் வெற்றி பெற்றவர்களுக்கான பரிசளிப்பு விழா நடைபெறவுள்ளது.</p><p><br></p><p>இந்த விழாவிற்கு விளாத்திகுளம் முன்னாள் சட்டமன்ற உறுப்பினரும், அதிமுக இலக்கிய அணி இணைச் செயலாளருமான சின்னப்பன் தலைமை தாங்குகிறார்.&nbsp; சிறப்பு அழைப்பாளராக சட்டமன்ற எதிர்க்கட்சிப் பொருளாளரும், கோவில்பட்டி சட்டமன்ற உறுப்பினருமான முன்னாள் அமைச்சர் கடம்பூர் ராஜு கலந்து கொண்டு, வெற்றி பெற்ற பெண்களுக்கு பரிசுகளை வழங்கி கௌரவிக்க உள்ளார்.</p><p><br></p><p><b>வாரி வழங்கப்படும் பரிசுகள்</b></p><p>கோலப் போட்டியில் பங்கேற்று திறமையை வெளிப்படுத்தும் பெண்களுக்கு பிரம்மாண்ட பரிசுகள் அறிவிக்கப்பட்டுள்ளன.</p><p><b><font color="#295218"><br></font></b></p><p><font color="#295218" style=""><b>முதல் பரிசு: LED டிவி</b></font></p><p><font color="#295218"><b>இரண்டாம் பரிசு: வாஷிங் மெஷின்</b></font></p><p><font color="#295218"><b>மூன்றாம் பரிசு: ஏர் கூலர்</b></font></p><p><font color="#295218"><b>நான்காம் பரிசு: கிரைண்டர்</b></font></p><p><font color="#295218"><b>ஐந்தாம் பரிசு: மிக்சி</b></font></p><p><font color="#295218"><b>ஆறாம் பரிசு: எலக்ட்ரிக் ஸ்டவ்</b></font></p><p><br></p><p>மேலும், ஏழாவது பரிசு&nbsp; 6 நபர்களுக்கு பட்டுச் சேலைகள், எட்டாவது பரிசு&nbsp; 4 பேருக்கு ஹேண்ட் பேக், ஒன்பதாவது பரிசு தலா 2 நபர்களுக்கு ஸ்மார்ட் வாட்ச், பத்தாவது&nbsp; பரிசாக 2 நபர்களுக்கு மேக்கப் கிட்கள், பதினொன்றாம் பரிசாக&nbsp; 3 பேருக்கு டிபன் பாக்ஸ், பனிரெண்டாம் பரிசாக&nbsp; 2 நபர்களுக்கு மேக்கப் கிட்கள் என வரிசையாக பல்வேறு பரிசுகள் வழங்கப்பட உள்ளன. இது தவிர, போட்டியில் கலந்து கொள்ளும் 100 பெண்களுக்கு ஆறுதல் பரிசாக டிபன் பாக்ஸ் வழங்கப்பட உள்ளது குறிப்பிடத்தக்கது.</p><p><br></p><p>மறைந்த முன்னாள் முதல்வர் ஜெயலலிதாவின் 78-வது ஜெயலலிதா பிறந்தநாளை முன்னிட்டு&nbsp; மகளிர் தினத்தில் எட்டயபுரத்தில் நடைபெறும் இந்த பிரம்மாண்ட கோலப் போட்டி அப்பகுதி பெண்களிடையே பெரும் எதிர்பார்ப்பை ஏற்படுத்தியுள்ளது.</p><div><br></div>