<p><b>தமிழ்நாடு மெர்கன்டைல் வங்கியில், 20 கிளை மேலாளர் பணியிடங்களுக்கு ஜனவரி 31க்குள் ஆன்லைனில் விண்ணப்பிக்கலாம் என அறிவிக்கப்பட்டுள்ளது.</b></p><p><br></p><p>தூத்துக்குடியை தலைமையிடமாகக் கொண்டு இயங்கி வரும் தமிழ்நாடு மெர்கன்டைல் வங்கி (TMB) இந்தியா முழுவதும் உள்ள அதன் பல்வேறு கிளைகளில் பணியாற்றுவதற்கு 20 கிளை மேலாளர் (Branch Head) பணியிடங்களுக்கான வேலைவாய்ப்பு அறிவிப்பை வெளியிட்டுள்ளது. தகுதியுள்ள பட்டதாரிகள் வங்கியின் அதிகாரப்பூர்வ இணையதளம் வாயிலாக ஆன்லைனில் விண்ணப்பிக்கலாம்.</p><p><br></p><p>இந்தியா முழுவதும் உள்ள முக்கிய நகரங்களில் இந்தப் பணியிடங்கள் பிரிக்கப்பட்டுள்ளன:</p><p><br></p><p>கர்நாடகா (5): பெங்களூரு (4), ஹூப்ளி (1)</p><p>கேரளா (4): எர்ணாகுளம், கோழிக்கோடு, திருவனந்தபுரம், திருவல்லா</p><p>மகாராஷ்டிரா (3): மும்பை (2), புனே (1)</p><p>தெலுங்கானா (2): ஹைதராபாத்</p><p>டெல்லி (1), கொல்கத்தா (1), ஜெய்ப்பூர் (1), அகமதாபாத் (2), விசாகப்பட்டினம் (1).</p><p><b><br></b></p><p><b>கல்வித் தகுதி :</b> அங்கீகரிக்கப்பட்ட பல்கலைக்கழகத்தில் ஏதேனும் ஒரு இளங்கலை அல்லது முதுகலை பட்டம் பெற்றிருக்க வேண்டும். வயது வரம்பு (31-12-2025 அன்று): குறைந்தபட்சம் 30 வயது முதல் அதிகபட்சம் 45 வயதுக்குள் இருக்க வேண்டும்.</p><p><br></p><p><b>1. மேலாளர் (Manager):</b> வங்கியில் குறைந்தபட்சம் 5 ஆண்டுகள் அனுபவம் (அசிஸ்டென்ட் மேலாளர் அல்லது அதற்கு மேல்).</p><p><b><br></b></p><p><b>2. சீனியர் மேலாளர் (Senior Manager):</b> 8 ஆண்டுகள் அனுபவம் (அதில் 4 ஆண்டுகள் மேலாளர் பொறுப்பில் இருக்க வேண்டும்).</p><p><br></p><p><b>3. ஏவிபி (AVP):</b> 10 ஆண்டுகள் அனுபவம் (அதில் 6 ஆண்டுகள் மேலாளர் பொறுப்பிலும், 2 ஆண்டுகள் சீனியர் மேலாளர் பொறுப்பிலும் இருந்திருக்க வேண்டும்).</p><p><br></p><p>அவர்களுக்கு நேர்முகத் தேர்வு (Personal Interview) நடத்தப்படும். இது நேரடியாகவோ அல்லது வீடியோ கால் மூலமாகவோ நடைபெறலாம்.</p><p><br></p><p>விண்ணப்பதாரர்கள் சரியான ஈமெயில் ஐடி மற்றும் மொபைல் எண்களைக் கொண்டிருக்க வேண்டும்.</p><p><br></p><p>புகைப்படம், கையெழுத்து மற்றும் அனுபவச் சான்றிதழ்களைச் சரியான அளவில் பதிவேற்ற வேண்டும்.</p><p><br></p><p>இந்தியாவில் எங்கு வேண்டுமானாலும் பணியமர்த்தப்படலாம்.</p><p><br></p><p>விண்ணப்பதாரர் மீது எந்தவிதமான குற்றச்சாட்டுகளோ அல்லது ஆர்பிஐ (RBI) மூலம் ஒழுங்கு நடவடிக்கை குறிப்புகளோ இருக்கக்கூடாது.</p><p><br></p><p>விண்ணப்பிக்கத் தொடங்கும் நாள்: 12 ஜனவரி 2026</p><p><br></p><p>விண்ணப்பிக்கக் கடைசி நாள்: 31 ஜனவரி 2026</p><p><br></p><p>விண்ணப்பக் கட்டணம்: கிடையாது (இலவசம்)</p><p><br></p><p>மேலும் தகவல்களுக்கு வங்கியின் அதிகாரப்பூர்வ இணையதளத்தில் உள்ள அறிவிப்பில் தெரிந்து கொள்ளலாம். </p>