<p><b>உங்களுடன் ஸ்டாலின் முகாமில் மனு அளித்த மூதாட்டிக்கு உடனடியாக தீர்வு காணப்பட்டு அதற்கான ஆணையை ஓட்டப்பிடாரம் சட்டமன்ற உறுப்பினர் சண்முகையா வழங்கினார்.</b></p><p><br></p><p>தூத்துக்குடி ஊராட்சி ஒன்றியம், குமாரகிரி ஊராட்சி, சிறுப்பாடு பகுதியில் நடைபெற்ற உங்களுடன் ஸ்டாலின் முகாமை, ஓட்டப்பிடாரம் சட்டமன்ற உறுப்பினர் சண்முகையா இன்று ( ஆக.,19 ) நேரில் பார்வையிட்டார். தொடர்ந்து, முகாமில் வழங்கப்படும் சேவைகள் குறித்தும், மனு அளிக்க வந்த பொதுமக்களின் தேவைகள் குறித்தும் கேட்டறிந்தார்.</p><p><br></p><p>அப்போது, சிறுப்பாடு கிராமத்தைச் சேர்ந்த வள்ளியம்மாள் என்ற மூதாட்டி குடும்ப அட்டை முகவரி மாற்றம் தொடர்பாக மனு அளிக்க வந்தார். அவரிடம் அவரது கோரிக்கை குறித்து ஓட்டப்பிடாரம் சட்டமன்ற உறுப்பினர் சண்முகையா கேட்டறிந்தார். அப்போது, " உங்களுடைய தொகுதியில் எங்களுடைய கோரிக்கைகள் அனைத்தும் நிறைவேறுகிறது. எங்கள் நம்பிக்கையே நீங்கள் தான் என வள்ளியம்மாள் என்கிற அந்த மூதாட்டி சண்முகையா எம்எல்ஏ கரங்களை பற்றிக்கொண்டு நெகிழ்ந்தார்".</p><p><img src="https://www.vilasalnews.com/img/post/postimage/2025/08/19/11755596817.jpg" style="width: 100%;"><br></p><p>தொடர்ந்து, மூதாட்டியின் மனு மீது உடனடியாக நடவடிக்கை எடுக்க எம்எல்ஏ அதிகாரிகளிடம் கேட்டுக்கொண்டதன் பேரில், முகாமிலே மூதாட்டி வள்ளியம்மாள் கோரிக்கை உடனடியாக நிறைவேற்றப்பட்டு அதற்கான ஆணையும் வழங்கப்பட்டது.&nbsp;</p><p><br></p><p>ஓட்டப்பிடாரம் சட்டமன்ற உறுப்பினர் சண்முகையா வின் அக்கறை மிகுந்த மக்கள் பணியை கண்ட அங்குள்ள பொதுமக்கள் நெகிழ்ந்தனர்.</p>