<p><span style="font-weight: 700;">தூத்துக்குடி அருகே தெற்குசிலுக்கன்பட்டி கிராமத்தில் உள்ள அருள்மிகு வடக்கத்தி அம்மன் கோவில் கொடை விழாவை முன்னிட்டு, கிராம மக்கள் மற்றும்&nbsp; தினேஷ் பாசறை இளைஞர் அணி சார்பில் மூன்றாம் ஆண்டு மாட்டு வண்டி எல்கை பந்தயம் நடைபெற்றது.</span><iframe frameborder="0" src="https://instagram.com/p/DF66D7OyDQ1/embed/" width="100%" height="710" scrolling="no" allowtransparency="true" class="note-video-clip"></iframe><b>&nbsp;</b></p><p><br></p><p>தூத்துக்குடி, விருதுநகர், தேனி, திருநெல்வேலி, சிவகங்கை, மதுரை உள்ளிட்ட மாவட்டங்களில் இருந்து முப்பதுக்கும் மேற்பட்ட ஜோடி காளைகள் இப்போட்டியில் கலந்து கொண்டன.<img src="https://www.vilasalnews.com/img/post/postimage/2025/02/11/21739248264.jpg" style="width: 100%;"><br></p><p><br></p><p>தெற்குசிலுக்கன்பட்டி - மேலத்தட்டப்பாறை சாலையில் சின்ன மாட்டு வண்டி, பூஞ்சிட்டு என்று இரண்டு பிரிவுகளாக நடைபெற்றது. முதலாவதாக நடந்த சின்ன மாட்டு வண்டியில் 12 ஜோடி மாட்டு வண்டிகள் கலந்து கொண்டன. போக வர 6 மைல் தூரம் இலக்காக நிர்ணயிக்கப்பட்டது. இப்போட்டியில், முதலாவது பரிசை&nbsp; செக்காரக்குடி வெற்றிமாறன் வினீஸ் முத்து, மேலமீனாட்சிபுரம் ஈஸ்வரி அம்மன் துணை முத்துஈஸ்வரி, இரண்டாவது பரிசை&nbsp; கடம்பூர் இளையஜமீன்தார் எஸ்விஎஸ்கே கருணாகரராஜா, மூன்றாவது பரிசை சீவலப்பேரி சுப்பையாபாண்டியன் நினைவாக ஸ்ரீதுர்காம்பிக்கை, ஆனந்த் வள்ளியூர், நான்காவது பரிசை சீவலப்பேரி சுப்பையாபாண்டியன் நினைவாக ஸ்ரீதுர்காம்பிக்கை ஆகியோரது காளைகள் தட்டிச்சென்றன.</p><p><img src="https://www.vilasalnews.com/img/post/postimage/2025/02/11/11739248263.jpg" style="width: 100%;"><br></p><p>இப்போட்டியைக் காண தூத்துக்குடி மற்றும் அதன் சுற்றுவட்டாரப் பகுதிகளில் இருந்து ஏராளமான பொதுமக்கள் கலந்து கொண்டு சாலை நெடுகிலும் இருபுறங்களில் நின்று கைதட்டி ஆரவாரமிட்டு மாட்டு வண்டி வீரர்களையும், காளைகளையும் உற்சாகப்படுத்தினர்.</p>