<p><b>ஓட்டப்பிடாரம் அருகே சங்கம் பட்டியில் கடந்த ஆண்டு பெய்த கனமழையில் அங்குள்ள பெரியகுளம் நிரம்பி குளத்தின் கரை முற்றிலுமாக உடைந்து சுற்றியுள்ள கிராமங்களில் மழை நீர் புகுந்து அதிகமான பாதிப்புகளை உண்டாக்கியது.</b></p><p>இதனையடுத்து பெரியகுளத்தின் கரையை சீரமைத்து தர சங்கம்பட்டி கிராம பொதுமக்கள் எம்எல்ஏ சண்முகையாவிடம் கோரிக்கை விடுத்து வந்தனர். இதையடுத்து ஓட்டப்பிடாரம் சட்டமன்ற உறுப்பினர் சண்முகையா&nbsp; நடவடிக்கையின் பேரில் மகாத்மா காந்தி தேசிய ஊரக வேலை உறுதித் திட்டத்தின் கீழ் 35 லட்சம் மதிப்பீட்டில் பெரியகுளத்தின் கரையை பலப்படுத்தி தடுப்பணை அமைக்கும் பணிகளை இன்று ஓட்டப்பிடாரம் யூனியன் சேர்மன் ரமேஷ்&nbsp; அடிக்கல் நாட்டி பணிகளை தொடங்கி வைத்தார்.</p><p><img src="https://www.vilasalnews.com/img/post/postimage/2024/07/09/11720526527.jpg" style="width: 100%;"><br></p><p>இந்நிகழ்ச்சியில், வட்டார வளர்ச்சி அலுவலர் கிரி, உதவி பொறியாளர் பால நமச்சிவாயம், பணி மேற்பார்வையாளர் ஶ்ரீநிதி, ஊராட்சி மன்ற தலைவர்கள் கணேசன், அருண்குமார், ஊராட்சி செயலர் அனிதா, ஒன்றிய பொறியாளர் அணி மணிகண்டன் உள்ளிட்ட ஏராளமானோர் கலந்து கொண்டனர்.</p>