<p>நயன்தாராவுக்காக இதை மட்டும் செய்வீர்களா அன்பான இயக்குநரே என்று ரசிகர்கள் விக்னேஷ் சிவனிடம் கேட்டுள்ளனர்.</p><p>லேடி சூப்பர் ஸ்டார் நயன்தாரா இன்று தனது 36வது பிறந்தநாளை கொண்டாடுகிறார். அவரின் காதலரும், இயக்குநருமான விக்னேஷ் சிவன் ட்விட்டர் மற்றும் இன்ஸ்டாகிராமில் நயன்தாராவுக்கு பிறந்தநாள் வாழ்த்து தெரிவித்துள்ளார்.<br></p><p>விக்னேஷ் சிவன் வாழ்த்தியதை பார்த்த நயன்தாரா ரசிகர்கள் ஒரேயொரு கோரிக்கை விடுத்துள்ளார்கள். அதாவது, நயன்தாராவை விரைவில் திருமணம் செய்து கொள்ளுமாறு கேட்டுக் கொண்டுள்ளனர்.<br></p><p>இது குறித்து ரசிகர்கள் கூறியிருப்பதாவது, தயவு செய்து தலைவியை சீக்கிரமாக திருமணம் செய்து கொள்ளுங்கள் அன்பான இயக்குநரே. காதல் போர் அடிக்கும்போது தான் கல்யாணம் என்று நீங்கள் சொன்னதை நாங்கள் மறக்கவில்லை. 5 ஆண்டுகளாக காதலித்துக் கொண்டிருக்கிறீர்கள்.</p><p>தலைவியை காதலிப்பது போர் அடிக்கவே செய்யாது. அதற்காக கடைசி வரை இப்படியே இருந்து விடுவீர்களா? நயன்தாரா, நிறைய கஷ்டப்பட்டு விட்டார். இந்த காதலும் தோல்வியில் முடிந்துவிடக் கூடாது. உங்கள் மீது நம்பிக்கை இருக்கிறது. இருந்தாலும் தாலி கட்டிவிட்டால் நன்றாக இருக்கும் என்று தெரிவித்துள்ளனர்.<br></p><p>விக்னேஷ் சிவன் இன்ஸ்டாகிராமில் என்ன போஸ்ட் போட்டாலும், தலைவியை எப்பொழுது திருமணம் செய்து கொள்வீர்கள் என்று தான் நயன்தாரா ரசிகர்கள் கேட்பார்கள். அவர் நயன்தாராவுடன் சேர்ந்து இருக்கும் புகைப்படங்களை வெளியிட்டால், ஏன்யா எங்க வயித்தெரிச்சலை கிளப்புறீர் என்று 90ஸ் கிட்ஸ் கடுப்பாவார்கள்.<br></p><p>நயன்தாராவின் பிறந்தநாளுக்கு ஜோடியாக இருக்கும் புகைப்படம் இல்லாமல் அவர் மட்டும் இருக்கும் புகைப்படத்தை வெளியிட்டதால் 90ஸ் கிட்ஸ் இன்று அமைதியாக இருக்கிறார்கள். ஆனால் பிறந்தநாள் அன்று சிங்கிள் புகைப்படம் வெளியிடும் ஆள் இல்லையே இந்த விக்னேஷ் சிவன் என்றும் தெரிவித்துள்ளனர்.<br></p><p>இதற்கிடையே நயன்தாரா பிறந்தநாள் ஸ்பெஷலாக மிலிந்த் ராவ் இயக்கத்தில் அவர் பார்வையில்லாதவராக நடித்து வரும் நெற்றிக்கண் படத்தின் டீஸர் வெளியாகி ரசிகர்களை கவர்ந்துள்ளது. நெற்றிக்கண் படத்தை விக்னேஷ் சிவன் தான் தயாரிக்கிறார் என்பது குறிப்பிடத்தக்கது.<br></p><p>நெற்றிக்கண் டீஸரை பார்த்தபோது இமைக்கா நொடிகள் படம் நினைவுக்கு வந்ததாக பலர் தெரிவித்துள்ளனர். நெற்றிக்கண் படம் நிச்சயம் வெற்றி பெறும் என்பதில் சந்தேகமே இல்லை என்கிறார்கள் ரசிகர்கள்.<br></p>