<p><b>பிரதமர் மோடியின் தமிழக வருகையையொட்டி டிவிட்டரில்&nbsp; #Vanakkam_Modi என்ற ஹேஷ்டேக் ட்ரெண்டாகி வருகிறது.&nbsp;</b><br></p><p>அதிமுக ஆட்சியின் போது பிரதமர் மோடி தமிழகம் வரும் போது அவரது வருகைக்கு எதிராக அப்போதைய எதிர்கட்சியான திமுக மற்றும் அதன் கூட்டணி கட்சிகள் கறுப்பு பலூன்களை பறக்க விட்டு எதிர்ப்பு தெரிவித்தனர். மேலும் டிவிட்டரில் #GoBackModi என்ற ஹாஷ்டேக் ட்ரெண்டாகும். இந்த நிலையில் திமுக ஆட்சிக்கு வந்த பின் பிரதமர் தமிழகம் வந்த போது அவருக்கு எதிர்ப்பு தெரிவித்த திமுக அவரை மரியாதையுடன் வரவேற்றது.</p><p>வழக்கமாக பிரதமர் வருகையின்போது 'வெல்கம் மோடி' என பா.ஜ.,வினரும், 'கோ பேக் மோடி' என எதிர்க்கட்சியினரும் ஹேஸ்டேக்கை டிரெண்ட் ஆக்குவர்.</p><p>கடந்த முறை சர்வதேச சதுரங்க போட்டி நடந்தபோது தமிழகம் வந்த பிரதமரை 'வெல்கம் மோடி' என பா.ஜ.,வின் ஐ.டி.,விங்க் சமூகவலைத்தளத்தில் டிரெண்டாக்கியது. அது 1.5 மில்லியன் (15 லட்சம்) பார்வையாளரை கடந்தது. அதேநேரம் 'கோ பேக் மோடி' என்ற ஹேஸ்டேக்கும் டிரெண்டாகி 3 லட்சம் என்ற எண்ணிக்கையில் இருந்தது.</p><p>இம்முறை 2 மில்லியன் பார்வையாளரை கடக்கும் வகையில் தமிழ் வார்த்தையான 'வணக்கம் மோடி'யை டிரெண்ட் செய்ய பாஜகவினர் திட்டமிட்டுள்ளனர்.</p><p>அந்தவகையில், நாளை&nbsp;திருச்சியில் ரூ.1,112 கோடி மதிப்பில் கட்டப்பட்டுள்ள விமான நிலைய புதிய முனையத்தின் திறப்பு விழா, பாரதிதாசன் பல்கலைக்கழகத்தின் 38-வது பட்டமளிப்பு விழா ஆகியவற்றில் பங்கேற்பதற்காக தமிழகம் வர இருக்கும் பிரதமர் மோடியை வரவேற்று, தற்போது வரை 2 லட்சத்திற்கும் மேல் #Vanakkam_Modi என்ற ஹேஷ்டேக் ட்ரெண்டாகி வருகிறது.&nbsp;</p><p>பிரதமர் வருகையின் போது வழக்கமாக #GoBackModi என்ற ஹாஷ்டேக் ட்ரெண்டாகி வந்த நிலையில் தற்போது #Vanakkam_Modi&nbsp; என்ற ஹேஷ்டேக் ட்ரெண்டாகி வருகிறது குறிப்பிடத்தக்கது.&nbsp;</p>