<p><b>தூத்துக்குடியில் இருந்து இலங்கைக்கு ரூ.5 லட்சம் மதிப்பிலான மஞ்சள் கடத்தல் 5 பேர் கைது&nbsp;</b></p><div>தூத்துக்குடி கடலோர காவல்படை, ரோந்து கப்பல்&nbsp; நேற்று முன்தினம் ரோந்து பணியில் ஈடுபட்டு கொண்டு இருந்தனர். அப்போது தூத்துக்குடியில் இருந்து சற்று தொலைவில் சர்வதேச கடல் எல்லை பகுதியில் தமிழகத்தை சேர்ந்த ஒரு படகு நிற்பதை&nbsp; கண்டனர். சந்தேகமடைந்த கடலோர காவல்படையினர் அந்த படகை வழிமறித்து படகில் சோதனை&nbsp; மேற்கொண்டுள்ளனர்.<br></div><p>சோதனையில்,அந்த படகில் 88 பைகளில் சுமார் 3 ஆயிரம் கிலோ மஞ்சள் இருந்தது கண்டுபிடிக்கப்பட்டது. </p><p>இந்த மஞ்சளை நடுக்கடலில் வைத்து இலங்கையை சேர்ந்தவர்களிடம் விற்பனைக்காக கொண்டு வந்தது தெரியவந்தது. இதைத்தொடர்ந்து,<br></p><p>நரிப்பையூரை சேர்ந்த&nbsp; முகமது (50), வாலமைதீன் (49), சீனி (34), தூத்துக்குடி திரேஸ்புரத்தை சேர்ந்த முத்துராஜா (20), சாமுவேல்புரத்தை சேர்ந்த நாகூர் மீராஜா (38) ஆகிய 5பேர் கைது செய்யப்பட்டனர்.</p><p>தொடர்ந்து படகு மற்றும் அதில் இருந்த ரூ.5 லட்சம் மதிப்பிலான மஞ்சளையும் பறிமுதல் செய்து தூத்துக்குடிக்கு கொண்டு வந்தனர். பின்னர் கைது செய்யப்பட்ட 5 பேர் மற்றும் மஞ்சளை சுங்கத்துறை அதிகாரிகளிடம் ஒப்படைத்தனர். சுங்கத்துறையினர் வழக்குப்பதிவு செய்து விசாரணை நடத்தி வருகின்றனர்.<br></p>